మా తెలుగుతల్లి మొదలగు దేశభక్తి గీతాలు

  

మా తెలుగు తల్లికీ– మల్లెపూదండ  (ఆంద్రప్రదేశ్ రాష్ట్ర గీతం)

    

1)    మా తెలుగు తల్లికీ మల్లెపూదండ మా కన్నతల్లికీ మంగళారతులు కడుపులో బంగారు కనుచూపులో కరుణ చిరునవ్వులో సిరులు దొరలించు మాతల్లి

2)    గలగలా గోదారి కదలిపోతుంటేను బిరబిరా కృష్ణమ్మ పరుగులిడుతుంటేను బంగారు పంటలే పండుతాయి మురిపాల ముత్యాలు దొరలుతాయి

3. అమరావతీ నగర అపురూప శిల్పాలు త్యాగయ్య గొంతులో తారాడు నాదాలు తిక్కయ్య కలములో తియ్యందనాలు    నిత్యమై నిఖిలమై నిలిచి ఉండేదాక

4.  రుద్రమ్మ భుజకీర్తి, మల్లమ్మ పతిభక్తి తిమ్మరుసు ధీయుక్తి, కృష్ణరాయని కీర్తి మా చెవుల రింగుమని మారుమ్రోగేదాక నీ ఆటలే ఆడుతాం – నీ పాటలే పాడుతాం జై తెలుగుతల్లీ ! జై తెలుగుతల్లీ !